就生得喇!

而家係下午2點15分, Cruz爸和我已經喺醫院, 不過未夠鐘, 好鬼C悶, 所以去咗醫院地下上網。 我由今朝9點半後已經無飲水同食嘢, 下晝食飯都係望住Cruz爸碟四寶飯, 真係留晒口水。 好了,有新消息再見啦!

在醫院地下健怡坊上網

對住Cruz爸的四寶飯又冇得食, 真係留晒口水都唔掂!

EPSv110 EPSv110 EPSv110

迪欣湖

Cruz爸和我就是在迪欣湖渡過了我產前最後的一個週末了。上星期六藍色的晴空襯托著恬靜的湖園是我們嚮往的，隨後的好萊塢自助午餐只是一個點綴吧了！

挺著9個多月的肚子行了20多分鐘去迪欣湖, 我都幾欣賞自己

「生活靜靜似是湖水, 全為你, 泛起生氣 ...」






藍白分明的天空

EPSv110 EPSv110 EPSv110

大煲薑

陪月姨姨替我們安排在家煲薑醋, Cruz爸負責每個星期翻煲一次, 次次都搞到滿室(唔止,係滿層)都有甜酸氣味, 有個鄰居仲問我係唔係就生得。

賣相麻麻地, 都係聞吓好過睇











相關知識:
1. 點解孕婦生bb後要食豬脚薑醋？

2. 醋與健康

EPSv110 EPSv110 EPSv110

歲晚收爐

今日係我產前最後一日返工, 跟住就有我人生第一次的10個禮拜有人工嘅短休, 未試過都幾特別同開心架(真係少見多怪)。

條尿片仔都幾得意喎!

EPSv110 EPSv110 EPSv110

進入倒數喇 (10, 9, 8 ........2, 1)

眨下眼剩番10日, 咁就去到'大肚走過的日子'的尾聲, 當然唔會唔捨得(因為始終大肚對自己同家人都有點唔方便), 不過這段經歷又成為我生命的其中一種印記, 幸好這個blog載了我部份的回憶。

昨天我又要去做例行產檢:

醫生量度BB的肚dum, 佑計他現在有3.1kg(即6.8磅), 嘩! 比起上次重了成磅, 果真後勁凌厲, Cruz爸和我想BB應該出世時都有7磅幾掛。

至於我就要食1個禮拜的抗生素, 因為化驗後我仍帶有B型鏈球菌, 醫生話呢種藥對BB是安全的, 反而如果不知道有菌而沒有處理好, 這種菌有機會引致早產, 以及即使沒有穿羊水, 也有機會感染BB。 醫生話我算好嘢沒有胃痛, 因為只有好少抗生素適合我(因為我有盤尼西林敏感), 偏偏這種藥有超過70%的人用後會有胃痛, 但慶幸我沒有, 只是覺得個胃有輕微重重地的感覺(感謝神)。不過始終要食藥, 個心都有D唔係好安樂, 希望真的不會影響BB啦(請弟兄姊妹為我們代禱)!

下星期一是最後一次產檢喇!

EPSv110 EPSv110 EPSv110

第36週

過完今個禮拜, 便9個月了。上個禮拜五去完產檢, 都無咩特別, BB啲頭髮好似長咗D, 重2.6kg(即5.72磅), 睇嚟BB出世可能唔夠7磅, 希望佢依兩個幾禮拜快高長大啦! 又報告一下我嘅狀態:

重咗: 30幾磅喇! (唉! 第日有排減, 睇番以前D衫好似好細件咁)。不過好多人都話我個肚咁大都可以行得咁輕鬆已經好好喎。個肚唔係好覺得墜, 其實我諗未有BB之前我成日去游水, 可能因為咁所以陀得好D掛。

隻腳: 感覺重咗, 所以都唔敢行咁多同咁耐(放工後無得去行街lu)

瞓覺: 開始要成日轉身, 因為瞓一個姿勢耐咗個背脊都幾痛, 所以一晚好似要醒好多次咁

媽媽: 日日都叫我小心D, 又成日叫樂陶陶(她起的乳名)唔好蝦我, 唔好踢咁大力, 斯文D乖乖地, 媽媽都好想快D見到樂陶陶

仲有一個多禮拜便放產假喇, 感謝天上的爸爸對小CruzCruz和我一路的保護。

EPSv110 EPSv110 EPSv110

一個人與兩個人

今朝看到一段報紙專欄:「一個人, 孑然一身 ......一個人哭, 一個人笑, 一個人去逛街......」昨晚我瞓到4點幾, 被肚子裡的第二個人仔拳打腳踢的震醒了，初時以為佢郁一陣就算, 點知佢越來越大力同足足維持了15分鐘有多, 我開始有D驚, 係唔係佢邊度唔舒服呢, 終於忍唔住起身行吓睇會唔會好D, 差不多一個鐘頭後先瞓番。所以今日我一早便烏吓烏吓咁。 兩個人, 真係唔可以好瀟洒的"孑然一身", 在好的方面諗係好浪漫的"你心中有我, 我心中有你", 不過現實生活我已經預左係(借用一位明星最近的自白)"一個人的問題, 兩個人去修正; 一個人的挫敗, 兩個人去承擔 ......任誰一方受到傷害, 另一方都願抵禦百倍的痛", 寫到呢度, 有點沉重, STOP please.

以下係我越嚟越"論盡"嘅真實情況, 我形容自己瞓覺轉身好似架重形貨櫃車轉彎咁, 掀起嘅震動好多時都波及隔鄰條線架私家車。都好醜怪。

EPSv110 EPSv110 EPSv110

產前檢查

踏入34週的第一天去做產前檢查, 照超聲波知道小CruzCruz個頭已經向下了, 唔知佢要做成個幾月「倒樹葱」會唔會好辛苦呢。 醫生話佢都唔係細碼的, 而家估計有2.4kg(即5.3磅), 較正常多咗約個多星期的重量, 醫生話因為我高大, 所以亞B個size大D係順理成章的, 佢仲話大隻D好過細細粒, 不過最緊要係健健康康。 今次仲睇到佢個頭仔生咗密密短短的頭髮, 好似陸軍裝咁, Cruz爸希望佢出世時多D頭髮, 會好睇得意D喎。醫生話我好似太多憂慮, 亞B出咗嚟仲有大把嘢煩, 都係, 不過好似Cruz爸答醫生話我嘅性格係咁, 有時我都好難控制。Cruz爸日日都催我執好個走佬袋, 以防萬一, 都啱, 係我懶惰唔願執啫。兩個星期後又要去檢查喇, 有新消息就再報告。

EPSv110 EPSv110 EPSv110

暖暖工作間

今晚開始天氣轉凍了, 請各位注意保暖哩, 病了點去慶祝聖誕節呢!

距離小CruzCruz出世愈來愈近了, 不知是不是肚子變得大了很多的關係, 我有很多同事, 無論是老師、實驗室技術員、或是校役, 無論是平日健談的、不苟言笑的、cool cool的, 都主動的問候我, 又叫我小心D、行慢D、開心D, 又關心我依家係唔係好重好辛苦、邊個會幫我湊B等等, 還有兩個同事成日都幫我買午飯、買豆漿小食和拿外賣 (我常對他們說我一定會話比我個仔知, 叫佢第時親自的向他們道謝), 所以學校一下子令我覺得好溫暖。我一向看到一些面口冰冷和不常與人打招呼的同事, 就斷定他們是不友善又無禮貌的人, 有時仲會有D唔開心, 係唔係人地唔鍾意我呢。但經過今次大肚後, 我諗不能夠下下都以貌取人, 不是每個人都會將自己心底裡的感覺或是想法表現在面孔上, 又或是每個人也有他們生活上或工作的壓力等, 總不能每每都笑臉迎人。

小CruzCruz, 媽媽第時真係有好多好多嘢要話比你知, 希望你能夠比我更有智慧更快樂的活著。

以下是一位同事今朝一早留給我看的:

(取自香港經濟日報, 5/12/2008)

EPSv110 EPSv110 EPSv110

新聞透視 – 該打則打

剛在上星期六(29/11/2008)播出的新聞透視, Cruz媽竟然有幸上鏡(其實只得一秒鐘出鏡時間), 而且還被她的若干同事看到並笑她, 真不知是好彩還是不好彩!? 節目主題是"該打則打", 內容講述應否接種疫苗, 而Cruz媽就是參加一個嬰兒講座時被拍攝到的。

EPSv110 EPSv110 EPSv110

第33週

昂然進入第33週喇(8個月), 報告一些我的進展:

飲食: 大食左小小, 勁鍾意食荳腐花, 飲荳漿, 食腸粉(落甜醬、麻醬嗰d) (通通都係平嘢嚟, 哈哈)

睡眠: 幾好吖, 如果無抽筋痛醒的話就Very Good

行動: 仲幾敏捷的, 尤其是朝早趕返工時, 不過千其唔好帶我行樓梯

情緒: 無咩特別, 不過有時都會諗BB點嘅樣呢, 健唔健康呢

身體狀況: 抽筋持續; 無流牙血喇; 腳腫暫時未出現(企得耐行得多有少少); 個肚又大了, 所以瞓覺轉身時有D困難; 上個禮拜喉嚨唔舒服, 仲有咳, 逼於無奈去左睇醫生, 食左幾日藥成個禮拜先好番,慘慘:-(

老公: 整體表現不錯, 每日都會同我講仲有幾多日BB就嚟喇, 仍然很樂意幫忙做家務, 又陪我去睇日落, 抵讚 ^-^

EPSv110 EPSv110 EPSv110

由零開始

我的一位好友知道Cruz會在1月出世, 他嘆道他甚不喜歡Cruz所屬的星座, 因為根據他的經驗, 該星座的人巧合的都是待親人很好, 待朋友卻是.....總之他就不欣賞那種性格。我聽罷後很自然便立即說「不用擔心, 我會教好我個仔, 佢會唔同架」, 我想我的朋友可能在心裏說「睇下點唔同!」。我有一種信念, 父母的身教和言教對孩子有著很重要的影響, 我就是不信所屬星座的性格取向真是定了一個框框給每一個人。我的教子理論是零, 教子經驗也是零, 甚麼都是由零開始。於是早在我懷孕兩個月開始, 便留意坊間的書籍, 以下便會是我的幾位老師：

Bright From The Start: 這是一本網友推薦的好書, 英文很淺易閱讀, 根據科學分析鼓勵父母應在孩子的0-3歲階段便開始啟發他的腦部發展, 從最基本的A B C 開始: A - Attention, B - Bonding, C - Communication

The Rules of Parenting: 未開始讀

不一樣的家長: 這是我工作學校的一位退休副校長所寫的, 他知道我有了BB便送了這本書給我(謝謝)。這是根據他在教育界40多年的經驗集結而成的, 我只是速讀了幾篇, 比較適合孩子大小小時的教育, 包括入學、語言訓練等。

加油, 努力讀書啊!

EPSv110 EPSv110 EPSv110

「郎」才「朗」貌

昨晚我和Cruz爸到文化中心欣賞了一個音樂會。 我們當然是音樂的門外漢, 但偶爾聽聽一些古典音樂, 絕對是生活上的一份享受, 我也想小CruzCruz除了終日被迫聽著我的心跳聲外, 還可以自由地聽到這個世界一些更美妙的聲音。
音樂會的主打是郎朗的鋼琴演奏, 這是我們第一次現場看到他的琴技, 那十根手指在琴鍵上的「跳躍」與「飛舞」, 你不能不讚嘆天父精心的雕琢和表演者的努力。同時看到郎朗演奏時那份投入的表情與姿態(他完全不需要看琴譜的), 就可以感受到他和音樂那份深深的融合。我和Cruz爸說, 我們不是, 亦不要期望孩子有那麼高的成就, 反而是我們希望他能成功找到他的興趣或才藝, 從投入不倦的練習中獲得樂趣與磨鍊意志的機會, 那管他的成績是否超卓, 我們也該因此而驕傲。這是我音樂會後返家途中的隨想。

EPSv110 EPSv110 EPSv110

二人的黃昏

Cruz爸在上星期日返教會崇拜後與一位前輩弟兄談到我們的BB在1月便會出世,弟兄語重深長的對我們說應好好享受僅有的二人世界了,日後或許有一天我們感慨的說'塞'返個BB入肚裏那便多好了。於是趁星期日的天色不錯,我們便在太陽落山前往外走走, 順道影影一些我最愛的黃昏的相片。兩個人的生活真的簡單很多, 說去便去, 瀟洒得很, 我們已預見有了孩子後便完全是另一個世界。 但看看右邊的計算器我們已享受了1820多天(差不多5年)的二人世界了, 日本的夏秋冬也都探訪過, 滿足吧! 是時候迎接馬拉松式的耐力賽了!




「我們家附近的海濱長廊」

EPSv110 EPSv110 EPSv110

澳門之旅 (9-10 Nov 2008)

上星期日, 我們一行六人去了澳門玩, 我想這是我臨生之前最後一次旅行。臨去之前有朋友問我, 驚唔驚去到澳門突然肚痛作動, 話晒都七個月, 可以隨時生得。 吓, 唔好嚇我啦, 無咁易中掛, 就帶著聽完就算的心情出發。多謝我既朋友無嫌棄同我這個大肚婆去, 行得慢D, 坐又要耐D, 食又好似多D (只係豬仔飽啫)等等, 真係...難為晒。好了, 有興趣既請看看我們的行程。

飲食篇
沙龍篇
街頭篇
酒店篇

更多的相片, 可以在這裡找到

EPSv110 EPSv110 EPSv110

Change has come to ......

這個題目不是談奧巴馬的魅力口號，而是大肚的我近日身體確實有些明顯的轉變。
1) 抽筋 - 這個星期我每晚睡睡下總有一隻腳(有時甚至打孖上)抽筋。最慘是總要在4時多5時的時候發生，痛過後成個醒晒，跟著再也睡不著了直至起床。我抽筋時盡量嘗試將腳板(腳趾向上)向身體方向移動，慢慢便能鬆了下來，但有時連腳趾都抽埋，便不能不驚動身旁的急救員，急救員的救援動作相當迅速和純熟，好快收工便又倒頭大睡，佩服佩服。
2)流牙血 - 聽說這個發生在孕婦身上都幾常見，至於我流牙血就近來才出現，又聽說可能是缺乏鈣質的關係，因為BB在這段時候需要吸取大量的鈣質。
3)腳腫 - 這個呢是我最不想出現的，幸好現在只是當我行得太耐或站得太久才明顯的，睡一晚便能恢復。
還有的就是踎唔到、俯身困難、行到成隻企鵝咁啦。
說起來，在我知道懷孕後至現在，Cruz在我肚子裏經歷了不少世界大事，5月的四川地震、8月的北京奧運、9月的奶粉事件、10月的金融海嘯，希望今年就以11月的奧巴馬朝代開始作為結束，大家都不想再有大新聞發生。No news is good news.

EPSv110 EPSv110 EPSv110

第28週

剛剛過了28週喇!仲有大概1/3路程，請努力!

昨天與Cruz爸的朋友聚舊，每個看我過後都說我「陀」得好好，好定，就連我的奶奶和教會的朋友也這麼說過。每次我同樣用帶有疑惑的眼神問他們真的能看得出嗎，每個也好肯定的回答「係」。噢！我看事總傾向負面的，即使他們這麼說，總覺得只是懷孕後期不好的情況還未出現啫，例如腳踵、腰骨痛、睡不好等等。其實，做人真的要樂觀一點，不要太難為自己，就相信並享受眼前的事實吧！

我肚子愈來愈大了，明顯的不能快步行(上週還是可以的)。昨天我由灣仔298行去時代廣場都有點兒吃力。醫生上次照超聲波時曾說BB不會是一個細碼B。Cruz在這段期間還正繼續努力在增強中，希望我帶著他不會太「論盡」啦！

EPSv110 EPSv110 EPSv110

大肚相

星期日Cruz爸替我影了一些大肚相以作紀念(因為我們打算不會再有BB喇!)。拍攝地點相當方便，就是我們的屋企。開著冷氣，伴有飲品，我們從來影相都未試過咁舒服。想到以前揹住個相機、幾支大光圈鏡頭同埋個大大的Billingham相機袋出去旅行和外影，真要讚賞我們對攝影的那份passion。想到這點，更加不想以後都貪圖舒服，很期待「重鎚」出江湖的日子(辛苦命一條, 無計)，不過唔知幾多個月後才可以。 至於那些相，哈，我和Cruz爸真是個巧妙的配搭，他的強項是技術和追求達到想要效果的目的，而我呢 ... 主意多多，對相的情調及構圖有一定的要求和觸角。這麼一來，我們往往都很享受辛苦出來的成果，樂此不疲。

其餘更多的相片, 可以在這裡找到 http://www.fotop.net/tennieellis/pregnantportrait

EPSv110 EPSv110 EPSv110

倒數3個月

記得在2008年10月9日那天, Cruz爸一早便給我一封電郵, 寫著"Exactly three month later, you will give birth to our BB"。每次當我嚷著「個肚愈來愈大呀, 個身愈來愈肥呀! 好醜樣呀」Cruz爸便會安慰我話就快喇, x個月後就得喇, 到時努力就會好似以前咁。唉, 弊在係x個月內我要經過肚子更加大, 身形更加阻街的地步呢!

EPSv110 EPSv110 EPSv110