18個月

媽媽! 你舉多我幾吓, 我幫你keep fit啦

Cruz, 歲半啦。
體重: 約13.1kg(即~29磅), 比17個月時重了1磅
身高: 約83cm, 比17個月時高了1cm

表面特徵及生活習慣:
- 這個月除了識講Dad Dad, 爸爸, 媽媽, 姐姐, Bye bye, 嫲嫲外, 還識叫婆婆了。見到巴士會叫 ”巴”, 香蕉會叫 ”Nana” (未識叫 “Banana”), 不過不知怎的Amen會說了Mama
- 過去這個月, 3隻老虎牙一齊發力。加埋這3隻只生出少少的老虎牙, 已經有16隻牙仔啦! 上8隻, 下8隻, 非常之齊整。也因為這麼多牙出的緣故, 經常咬人, 爸爸媽媽的手、腳、膊頭、大脾就成為重災區喇, 慘慘
- 已經養成早晚刷牙的習慣, 也不抗拒。不過還未懂得將潄口水吐出來, 牙膏和水都吞了落肚
- 這個月面對陌生人的表現, 可以說相當反覆。踏入17個月後便很怕醜, 尤其是同齡的小朋友, 很多時一見到面就轉頭走, 或表現很拘緊, 要一段時間熱身, 至於見到大人就好少少。不過近日情況又稍有好轉, 有時見到大人會自動揮手, 見到小朋友就相當飄忽, 有時熱情, 有時冷淡。不知這位小朋友葫蘆裡賣甚麼藥
- 每晚臨瞓前的聽故事時間, 有時可以靜下來聽, 覺得好笑便笑, 有時則會郁來郁去, 不可以很專心去聽, 有待改善
- 已經識得用飲管飲水(雖然遲了一點)。我們出街時在餐廳的凍飲, 已經成為他的新獵物
- 超喜歡飲湯。飲湯時很老積地雙手拿起湯碗, 放在口邊學大人飲湯。飲得非常之快, 每次晚飯後都要飲兩碗湯才肯罷休
- 開始識得將匙羹的飯平穩地放入口, 但還未識得怎樣將食物放在匙羹中。訓練正在進行中
- 開始識得揀飲擇食(壞習慣嚟啦!)。以前幾乎所有嘢都食, 現在見到新食物時, 要細細啖試過味先; 好食的就繼續, 否則就密封其口, 兼耍手拎頭(唔通Cruz也要節食, keep fit!? Oh no!)
- 開始越來越投入Playgroup, 而且進步也越來越大。姐姐也會將Playgroup學回來的遊戲和動作在家中與Cruz練習
- 行路很快, 開始有點像跑和跳
- 因為腳步運動做多了很多, 我們睇開的兒科醫生說, 他的腳仔現在大得很快, 兩三個月就要換新鞋仔。睇嚟買鞋仔都要買到窮
- 聽到音樂的時候(不論熟識與否), 都很容易會隨著音樂起舞。有時踏腳, 有時揮手, 有時轉身, 很得意
- 大小便的時候, 有時開始有意識用不同方法通知我們, 如指住pat pat叫哦哦哦, 尤其是大便, 不過當然有時叫我們時他已經方便完了
- 值得一讚是他仍很願意跟其他人分享東西, 不止是我們, 其他不常見的親戚朋友也可以, 希望這個習慣可以長期保持下去
- Cruz最近很喜歡睇飛機。由於我們居住的地方是在飛機航道, 很容易在吹西南風的時候見到飛機在半空飛行。Cruz無論天明或天黑, 只要在家抬頭望見飛機, 他都會凝神望一會, 而且很多時還叫爸爸媽媽陪他一齊睇。所以早幾日我們便特意帶他到機場, 看看近距離的大飛機升降
- 每餐食固體時, 我們都會帶他祈禱謝飯。雖然他應該未知道祈禱背後的意義, 但已有意識去跟我們低頭靜默
- 已經學識剝蕉皮, 然後自己食蕉