令人眼濕濕的Pillow talk

(星期六的晚上)
Cruz: 「爹爹, 姐姐今日去咗邊?」

爹爹: 「姐姐今日喺婆婆度, 幫婆婆, 因為婆婆老喇, 要照顧佢」

Cruz: 「爹爹, 你同媽媽老咗, 我都會照顧你哋架」(很認真的說)

突然聽了Cruz這麼說, 爹媽也有點愕然, 對望了一下

爹爹續說: 「咁爹爹到時可能行唔到, 你會唔會扶爹爹架?」

Cruz: 「會….我會架」 (諗一陣再說) 「我會買兩架輪椅, 一架爹爹嘅, 一架媽媽嘅」

媽媽: 「咁你一個人點推兩架輪椅呀?」

Cruz: (認真思考) 「我推爹爹, 我叫姐姐推媽媽啦」

媽媽: 「到時姐姐都老喇, 推唔到媽媽架, 不如你請姐姐個女嚟幫我哋吖」

Cruz: 「好吖, 我遲啲同姐姐講」

沒有預計還很小的Cruz會對爸爸媽媽說出這番承諾, 承諾會否兌現真的有待時間證明(我們常對自己說不要期望太高), 不過那刻確是感動得很, Cruz爸媽極其相信身教的重要, 不言而喻。

小CruzCruz, 你講架, 天父都可能聽到架, 媽媽呢就有錄像為證

諗諗下, 我一個要頂住你哋兩個, 天父真係要幫下我手喇!