進入倒數喇 (10, 9, 8 ........2, 1)

眨下眼剩番10日, 咁就去到'大肚走過的日子'的尾聲, 當然唔會唔捨得(因為始終大肚對自己同家人都有點唔方便), 不過這段經歷又成為我生命的其中一種印記, 幸好這個blog載了我部份的回憶。

昨天我又要去做例行產檢:

醫生量度BB的肚dum, 佑計他現在有3.1kg(即6.8磅), 嘩! 比起上次重了成磅, 果真後勁凌厲, Cruz爸和我想BB應該出世時都有7磅幾掛。

至於我就要食1個禮拜的抗生素, 因為化驗後我仍帶有B型鏈球菌, 醫生話呢種藥對BB是安全的, 反而如果不知道有菌而沒有處理好, 這種菌有機會引致早產, 以及即使沒有穿羊水, 也有機會感染BB。 醫生話我算好嘢沒有胃痛, 因為只有好少抗生素適合我(因為我有盤尼西林敏感), 偏偏這種藥有超過70%的人用後會有胃痛, 但慶幸我沒有, 只是覺得個胃有輕微重重地的感覺(感謝神)。不過始終要食藥, 個心都有D唔係好安樂, 希望真的不會影響BB啦(請弟兄姊妹為我們代禱)!

下星期一是最後一次產檢喇!

EPSv110 EPSv110 EPSv110

邊打邊說

Cruz媽: 喂BB, 你睇幾多哥哥姐姐嚟同你打邊爐過聖誕
Cruz : 嘩, 咁多野食嘅, 啱唔啱我食架, 唔好等我生晒粒粒咁出嚟見人喎, 你顧住我至好!
Cruz媽: BB, 真係好好味, 好難忍, 比媽媽盡興埋今晚, 有排都無得再食架喇!
Cruz : 乜你講到我出咗嚟之後, 你就好似要去坐監咁, 你開心D 啦! 我要成日對住你架, 我仲要笑笑口咁幫你招呼D親朋戚友, 就嚟過年吖嘛

自製的湯底, 又唔肥膩又好味, 無得頂
















各款包心丸, 好好味來自荃灣要排隊買的雲吞和水餃


聖誕版的天使蛋糕, 真係好鍾意白色的感覺, 淡淡的忌廉都幾好味架

EPSv110 EPSv110 EPSv110

還有的14天

這兩個星期忙於做很多的準備工夫去迎接BB的來臨:

謝謝Cruz爸用心的裝砌床仔和小椅子，足足花了一個多晚上才完成。抱歉我未能幫上一把，只能在旁靜靜的欣賞。真是看見都想瞓落去和坐一會。希望小人兒喜歡他的安樂窩。

真是一張 king size 的 BB 床
可以瞓到 3歲喎


很別緻的椅子，下面可以載玩具，
上面可以比BB舒舒服服的在穿鞋子，
頑皮時又可以罰佢靜坐

謝謝Cruz媽徒手的清洗各式各樣的衫仔袍仔帽仔襪仔......不過仲有好多仔未洗呀, 救命救命!

好多襪仔都係人地比的
就只有這對白色花邊襪是Cruz媽買的
穿在一個男BB的腳仔上是不是很另類呢?
就是愛上這個白色喲

EPSv110 EPSv110 EPSv110

第36週

過完今個禮拜, 便9個月了。上個禮拜五去完產檢, 都無咩特別, BB啲頭髮好似長咗D, 重2.6kg(即5.72磅), 睇嚟BB出世可能唔夠7磅, 希望佢依兩個幾禮拜快高長大啦! 又報告一下我嘅狀態:

重咗: 30幾磅喇! (唉! 第日有排減, 睇番以前D衫好似好細件咁)。不過好多人都話我個肚咁大都可以行得咁輕鬆已經好好喎。個肚唔係好覺得墜, 其實我諗未有BB之前我成日去游水, 可能因為咁所以陀得好D掛。

隻腳: 感覺重咗, 所以都唔敢行咁多同咁耐(放工後無得去行街lu)

瞓覺: 開始要成日轉身, 因為瞓一個姿勢耐咗個背脊都幾痛, 所以一晚好似要醒好多次咁

媽媽: 日日都叫我小心D, 又成日叫樂陶陶(她起的乳名)唔好蝦我, 唔好踢咁大力, 斯文D乖乖地, 媽媽都好想快D見到樂陶陶

仲有一個多禮拜便放產假喇, 感謝天上的爸爸對小CruzCruz和我一路的保護。

EPSv110 EPSv110 EPSv110

奶粉大作戰

經過多翻的網上調查和研究, 小Cruz Cruz御用的奶粉將是近年人氣急升的日本奶粉。而眾多日本牌子中(森永, 明治, 雪印, 和光堂, 固力果), 脫穎而出的是「和光堂」。

由於Cruz出世的聖德肋撒醫院沒有這款奶粉, 我們早在1個多月前便買了1罐, 以便Cruz在醫院時可以食用。豈知1罐奶粉的來臨後, 便陸續有其他的奶粉相繼在我們家中出現。其實這些全都是登記入奶粉會後, 免費的試用裝, 總共有７罐（３隻牌子）之多, 看來以後Cruz爸媽都要參與飲用嬰兒奶粉這個行列了。

最右邊的1罐，便是Cruz御用的「和光堂」奶粉

參考資料:
認識主要日本奶粉品牌
各大日本奶粉特點(節錄自MaMaStation)
0-9個月日本奶粉營養成份(節錄自MaMaStation): P.1 P.2
9個月以上日本奶粉營養成份(節錄自MaMaStation): P.1 P.2

EPSv110 EPSv110 EPSv110

孩子的十年

昨天與我一位舊同事兼好朋友茶敘, 因她將會於31/12陪伴她的女兒往澳洲讀書, 一去便會是數年了, 真有點兒捨不得她。她女兒2歲時我們便認識, 現在的她已是亭亭玉立的15歲少女, 昨天看到她, 我真替好朋友高興, 因為她苦心多年的教養真不是白費, 女兒不但學業成績優異、我最欣賞的是她談吐溫婉、應說時便說、說到好笑的話題便開懷地笑、沒有女生們的矯揉造作、與媽媽好像姊妹般既尊重又能打成一片。真要向好朋友學習, 願Cruz爸和我好好的珍惜小CruzCruz 的"黃金十年", 讓他有著一個充滿愛心和正確價值觀的童年。

黃毅力 CEO實戰手記：別害了孩兒的一生

為人父母，必定要明白，孩兒的頭黃金十年，都是影響他們將來做事的價值觀，人生觀，及生活習慣。

上星期的一篇《禽獸鋼管舞》，收到十分大的迴響。差不多所有讀者也 認同，現在世風日下，並指責年輕人的不是。在當日文章的結尾，我已說得十分清楚，要責怪的，反而是父母及老師。

當中問題的因，就是父母在孩兒成長中開頭的關鍵十年，沒有好好管教他們。在此我舉一個實例：

有一天我在家中請客，Family Gathering(家庭聚會)，我的朋友帶了他們7歲的獨子上來，當晚飯的時候，在毫無先兆的情況下，那位小朋友，一看見美味可口的燒雞翼時，竟第一時間伸出他的「五爪金龍」，一手抓着雞翼放在口中，情形就好像「餓狗搶屎」一樣，當他吃完雞翼後，發覺滿手醬油，便用自己的外套去抹手，然後繼續玩遊戲機。

我作為一家之主，眼見如此，便「睥」着那個「口靚仔」，他也知道我對這些行為不悅，便跟媽媽說：「眼瞓！」接着，就像一支箭似的，跑了去沙發，看也不看我一眼，倒頭便睡。晚飯後，我跟我的朋友說：「你們小心一點好喎！你們孩兒的行為，不但反映他沒有自我約
束力，還極之自我中心，必定已被你們寵壞了。在我家中尚且如此，我實在不敢想像，在自己家中，他會怎樣呼風喚雨！」

我說完這番話後，他的父親，只用無奈的眼神看着我，而受過高深教育的母親，就跟我這樣說：「小事來的，他大了便會變！」我眼見她那副「慈母多敗兒」的樣子，根本就是為孩兒的問題狡辯，我接着說：「事雖小，但嚴重！」

孩兒在成長的歷程裏，父母是有責任管教他們的行為及生活紀律。如未能把握孩兒的頭黃金十年，必定會影響他們日後的發展，他們的價值觀及個人紀律，必然會一塌胡塗。千萬不要以為，家庭不教，社會就會替你教。父母不管，他只會變得愈來愈放縱。

如父母不跟孩兒多些溝通，向他們灌輸正確的人生觀，當他們面對社會上暴力及色情新聞，以及傳媒的節目、學校童黨的渲染、網絡世界的模擬和虛幻時，就會受另一套的自我人生觀所影響，到問題發生後，你要扭轉他的劣性，我相信你面對的阻力，會比今天執行嚴厲的家教還多！

家庭教養由「緊」變「鬆」，不但阻力少，作用也會大；由「鬆」到「緊」，只會是對抗力強，效用也低。為人父母，必定要明白，孩兒的頭黃金十年，都是影響他們將來做事的價值觀，人生觀，及生活習慣。年長的讀者，還記起他們父母嚴厲的家教，例如挾菜不能「飛象過河」，為別人添飯要雙手接送等等。

小時候生活有條理，就會令他們將來做事更有系統，也更加有個人紀律。最起碼的，就是你已向他們建立了一套健康的家庭觀，當他們將來遇上困難，父母只要說一句說話，就有條件罰停他們，卻不是「亞崩叫狗，愈叫愈走」。

大事由小事做起，孩兒由小時教起，希望各位為人父母者，會把握孩兒的童年，培養他們有良好的家庭教養及生活紀律，否則，你只會把他們變成禍害社會的壞分子，更不幸的話，你更會自作自受，自食惡果！

(文章取自都市日報, 18/12/2008)

EPSv110 EPSv110 EPSv110

一個人與兩個人

今朝看到一段報紙專欄:「一個人, 孑然一身 ......一個人哭, 一個人笑, 一個人去逛街......」昨晚我瞓到4點幾, 被肚子裡的第二個人仔拳打腳踢的震醒了，初時以為佢郁一陣就算, 點知佢越來越大力同足足維持了15分鐘有多, 我開始有D驚, 係唔係佢邊度唔舒服呢, 終於忍唔住起身行吓睇會唔會好D, 差不多一個鐘頭後先瞓番。所以今日我一早便烏吓烏吓咁。 兩個人, 真係唔可以好瀟洒的"孑然一身", 在好的方面諗係好浪漫的"你心中有我, 我心中有你", 不過現實生活我已經預左係(借用一位明星最近的自白)"一個人的問題, 兩個人去修正; 一個人的挫敗, 兩個人去承擔 ......任誰一方受到傷害, 另一方都願抵禦百倍的痛", 寫到呢度, 有點沉重, STOP please.

以下係我越嚟越"論盡"嘅真實情況, 我形容自己瞓覺轉身好似架重形貨櫃車轉彎咁, 掀起嘅震動好多時都波及隔鄰條線架私家車。都好醜怪。

EPSv110 EPSv110 EPSv110

Sunrise

(sunrise viewed from our home, 10/12/2008 at 06:25)

"You rose into my life like a promised sunrise, brightening my days with the light in your eyes."
Maya Angelou

We are awaiting your coming in a morning.

EPSv110 EPSv110 EPSv110

產前檢查

踏入34週的第一天去做產前檢查, 照超聲波知道小CruzCruz個頭已經向下了, 唔知佢要做成個幾月「倒樹葱」會唔會好辛苦呢。 醫生話佢都唔係細碼的, 而家估計有2.4kg(即5.3磅), 較正常多咗約個多星期的重量, 醫生話因為我高大, 所以亞B個size大D係順理成章的, 佢仲話大隻D好過細細粒, 不過最緊要係健健康康。 今次仲睇到佢個頭仔生咗密密短短的頭髮, 好似陸軍裝咁, Cruz爸希望佢出世時多D頭髮, 會好睇得意D喎。醫生話我好似太多憂慮, 亞B出咗嚟仲有大把嘢煩, 都係, 不過好似Cruz爸答醫生話我嘅性格係咁, 有時我都好難控制。Cruz爸日日都催我執好個走佬袋, 以防萬一, 都啱, 係我懶惰唔願執啫。兩個星期後又要去檢查喇, 有新消息就再報告。

EPSv110 EPSv110 EPSv110

又到聖誕

祝大家有一個溫暖又愉快的聖誕節
不過開心之餘唔好唔記得聖誕節的真正意義係紀念耶穌的誕生
希望下年多咗一位小朋友笑逐顏開的坐喺聖誕老人嘅大脾上同你哋講「聖誕快樂」啦!

EPSv110 EPSv110 EPSv110

暖暖工作間

今晚開始天氣轉凍了, 請各位注意保暖哩, 病了點去慶祝聖誕節呢!

距離小CruzCruz出世愈來愈近了, 不知是不是肚子變得大了很多的關係, 我有很多同事, 無論是老師、實驗室技術員、或是校役, 無論是平日健談的、不苟言笑的、cool cool的, 都主動的問候我, 又叫我小心D、行慢D、開心D, 又關心我依家係唔係好重好辛苦、邊個會幫我湊B等等, 還有兩個同事成日都幫我買午飯、買豆漿小食和拿外賣 (我常對他們說我一定會話比我個仔知, 叫佢第時親自的向他們道謝), 所以學校一下子令我覺得好溫暖。我一向看到一些面口冰冷和不常與人打招呼的同事, 就斷定他們是不友善又無禮貌的人, 有時仲會有D唔開心, 係唔係人地唔鍾意我呢。但經過今次大肚後, 我諗不能夠下下都以貌取人, 不是每個人都會將自己心底裡的感覺或是想法表現在面孔上, 又或是每個人也有他們生活上或工作的壓力等, 總不能每每都笑臉迎人。

小CruzCruz, 媽媽第時真係有好多好多嘢要話比你知, 希望你能夠比我更有智慧更快樂的活著。

以下是一位同事今朝一早留給我看的:

(取自香港經濟日報, 5/12/2008)

EPSv110 EPSv110 EPSv110

他的名字是 "彥彥"

唔駛驚, 我唔係早產左, 呢個BB係我哥哥個仔, 佢而家3個多月。上星期日我們慶祝彥彥出世100天, 佢暫時都幾文靜架, 好少喊的, 眼仔碌碌都幾可愛。 這個小朋友將會是Cruz的親密戰友(因我嫂嫂答允幫我湊BB), 希望他們會是惺惺相惜、相愛、相親的表兄弟, 不過兩個差不多大的男孩走在一起, 真難想像他們不會掙玩具, 不會打架 .... 祈求天父賜給他們兩顆溫柔善良的心。


















































更多當晚的相片可在這裡看到

EPSv110 EPSv110 EPSv110

新聞透視 – 該打則打

剛在上星期六(29/11/2008)播出的新聞透視, Cruz媽竟然有幸上鏡(其實只得一秒鐘出鏡時間), 而且還被她的若干同事看到並笑她, 真不知是好彩還是不好彩!? 節目主題是"該打則打", 內容講述應否接種疫苗, 而Cruz媽就是參加一個嬰兒講座時被拍攝到的。

EPSv110 EPSv110 EPSv110

第33週

昂然進入第33週喇(8個月), 報告一些我的進展:

飲食: 大食左小小, 勁鍾意食荳腐花, 飲荳漿, 食腸粉(落甜醬、麻醬嗰d) (通通都係平嘢嚟, 哈哈)

睡眠: 幾好吖, 如果無抽筋痛醒的話就Very Good

行動: 仲幾敏捷的, 尤其是朝早趕返工時, 不過千其唔好帶我行樓梯

情緒: 無咩特別, 不過有時都會諗BB點嘅樣呢, 健唔健康呢

身體狀況: 抽筋持續; 無流牙血喇; 腳腫暫時未出現(企得耐行得多有少少); 個肚又大了, 所以瞓覺轉身時有D困難; 上個禮拜喉嚨唔舒服, 仲有咳, 逼於無奈去左睇醫生, 食左幾日藥成個禮拜先好番,慘慘:-(

老公: 整體表現不錯, 每日都會同我講仲有幾多日BB就嚟喇, 仍然很樂意幫忙做家務, 又陪我去睇日落, 抵讚 ^-^

EPSv110 EPSv110 EPSv110