第36週

過完今個禮拜, 便9個月了。上個禮拜五去完產檢, 都無咩特別, BB啲頭髮好似長咗D, 重2.6kg(即5.72磅), 睇嚟BB出世可能唔夠7磅, 希望佢依兩個幾禮拜快高長大啦! 又報告一下我嘅狀態:

重咗: 30幾磅喇! (唉! 第日有排減, 睇番以前D衫好似好細件咁)。不過好多人都話我個肚咁大都可以行得咁輕鬆已經好好喎。個肚唔係好覺得墜, 其實我諗未有BB之前我成日去游水, 可能因為咁所以陀得好D掛。

隻腳: 感覺重咗, 所以都唔敢行咁多同咁耐(放工後無得去行街lu)

瞓覺: 開始要成日轉身, 因為瞓一個姿勢耐咗個背脊都幾痛, 所以一晚好似要醒好多次咁

媽媽: 日日都叫我小心D, 又成日叫樂陶陶(她起的乳名)唔好蝦我, 唔好踢咁大力, 斯文D乖乖地, 媽媽都好想快D見到樂陶陶

仲有一個多禮拜便放產假喇, 感謝天上的爸爸對小CruzCruz和我一路的保護。